• 13.08.2020

საერთაშორისო მოგზაურთა რაოდენობა გაიზარდა

 საერთაშორისო მოგზაურთა რაოდენობა გაიზარდა

2019 წლის სექტემბერში საქართველოში 917 044 საერთაშორისო მოგზაურების ვიზიტი შედგა, რაც წინა წლის ანალოგიურ მაჩვენებელს 2.8 პროცენტით აღემატება. ამასთან, ტურისტული ვიზიტები გაზრდილია 0.6 პროცენტით და მათმა რაოდენობამ სექტემბერში 539 524 შეადგინა. ამის შესახებ ინფორმაციას ტურიზმის ეროვნული ადმინისტრაცია ავრცელებს.

არსებული მონაცემებით, 2019 წლის სექტემბერში დაფიქსირებული მონაცემები კვლავ ჩამორჩება იმ პროგნოზებს, რომელიც საქართველოს ტურიზმის სექტორში ბოლო წლებში დაფიქსირებული მაღალი ზრდის დინამიკის ფონზე არსებობდა.

ამასთან, 2019 წლის სექტემბერში რუსეთიდან საერთაშორისო ვიზიტორთა რაოდენობა 20.6 პროცენტით შემცირდა და 147 425 შეადგინა, ხოლო ტურისტული ვიზიტების რაოდენობა შემცირდა 29.9 პროცენტით და 105 572 შეადგინა.

2019 წლის იანვარ-სექტემბრის პერიოდში საქართველოში სულ 7 237 560 საერთაშორისო მოგზაურების ვიზიტი შედგა, რაც წინა წლის ანალოგიურ პერიოდს 6.6 პროცენტით აღემატება.

მსგავსი ამბები